Ныдэлъфыбзэр

Ныбыдзыщэм и1эш1угъэ къыдежьагъэу, 

Ныдэлъфыбзэр гъэш1э лъагъом къыбдытехьэ.

Плъышъо пчъагъэу, дунаишхор зэхэпш1агъэу, 

Гупшысабэ уигущы1эхэм зэрахьэ.

Пчэдыжь тыгъэм инэбзыи фэдэкъабзэу, 

Къегъэнэфы, уегъэфабэ ныдэлъфыбзэм, 

Идэхагъэ фэогъадэ бзыумэ абзэ,

Ау игъыбзэ гур ефызы, уесты нэпсэу.

Лъэпкъ тарихъым инэк1убгъохэм атетэу, 

Лъэгъо к1ыхьэу, хъугъэ-ш1агъэхэм уахещэ, 

Лъэуянэу узынэсрэр ыгъэпытэу, 

Ш1эныгъэщхом илъэгап1э бзэм уфещэ.

Гум ихъык1и, пэм ылъэгъуи - пстэуми апсэ 

Пызгъэк1агъэу, щызыгъа1эрэр о убзэ.

Хэтрэ лъэпкъи егъэлъап1э ныдэлъфыбзэр. 

Зигъэгъус о ренэу нафэу, зафэу убзэ.

Л1ыхъук1э Гощнагъу. Осэпсыцэхэр.