Сикъуадж
Рэхьатыгъо уимы1эу къыхэк1ыгъ, сикъуадж.
Уагъэкъощынэуи хъугъэ – игъуадж!
Сыдэущтэу хъугъэми, къэбгъэзэжьыгъ.
Сэрэежъ 1уашъхьэм укъек1ужьыгъ.
Сэрэежъ 1уашъхьэм, к1о сыд теш1агъ?-
Цутхьалэ 1ушъор уимэкъу уап1эу,
Хьэ лъфэп1э губгъор уилэжьэк1уап1эу
Л1эш1эгъу пш1ык1уир о къэбгъэш1агъ.
Ц1ыфыш1оу дэсмэ яухъумак1оу
Уи1агъ лэжьак1уи сичылэ гупс.
Урысбий а л1ым ыц1агъ, -
Жъалымэу псэурэмэ агу ылыц1агъ.
Адыгэ лъэпкъым ихьатырыш1мэ
Зы адыгэл1к1э уасэ къыфаш1ымэ
Сыдэущтэу Мафэкъом урымпэгэна? –
тарихъэу пылъыр сифэтагына!
Непэ, сикъуадж, джэныкъо маш1оу
Саугъэты ш1ыгъэк1э ар къыпфэкъожьы.
Шыузэтесэу уапашъхь. Теплъэш1оу
уичылэ пчэгу ишыш1о1у еуцожьы.
Уик1элэ п1угъэмэ, сикъоджэ дах.
Щысэтехып1эу зэрафэхъугъэм рыпаг.
Сикъуадж, ащ фэдэ шыум,
Насыпи голь с1он, джы къыдэхъугъэм.
Хьау, зы л1ыхъужъэп уи1эр, ялый!
Л1ыхъук1эу Тыкъэр? Къатэу Алый?
…Блэк1ыгъэ заом пэбгъэуцугъэхэр?
…Чылэм ынапэу уик1элэ п1угъэхэр?
Уичэу 1атыгъэ хьак1эхэр къелъэх.
Мафэкъо шыум ахэр 1орэплъэх.
1улыгъук1 ипсынэ – ашъыу! – хэрэшъух.
Гъэпсэфып1эш1ур Мартэ к1эй – къыщэрэшъох!
Рэхьатыгъо уимы1эу къыхэк1ыгъ, сикъуадж.
Уагъэкощынэуи хъугъэ, игъуадж.
Сыдэущтэу ухъуми, къэбгъэзэжьыгъ.
Сэрэежъ 1уашъхьэм укъек1ужьыгъ.
|