сурэтыр сайтэу http://restoran-ug.ru къихыгъ.
Композиторэу, орэдыlоу Емыж Нурбый къоджэ еджап1эм ч1эсыгъ орэдхэр ыусэу зэхъум. Щылэ мазэм и 1-м 1959-рэ илъэсым къуаджэу Аскъэлае къыщыхъугъ. Адыгъ къэралыгъо к1элэегъэджэ институтым ифилологие факультет илъэсищэ зыщеджэгъэ нэуж, Москва дэт литературнэ институтэу М. Горькэм ыц1эк1э щытыр къыухыгъ. Дзэм к1уагъэ, къулыкъур дэгъоу ыхьыгъ. Къызэк1ожьым ч1ып1э зэфэшъхьафхэм 1оф ащищ1агъ.
1990-рэ илъэсым Адыгэ филармонием тхылъ рити, Емыж Нурбий Ленинград орэд къэ1ок1э искусствэм зыщыфигъэсэнэу Ленконцертым итворческэ мастерской к1уагъэ. А уахътэм программэ гъэнэфэгъэм 1оф деш1э, ар Ленсоветым ихудсовет ыштагъ. Еджэныр къызеухым, Германием ичеркес ш1уш1э Хасэ ыпкъ къик1эу, къалэхэу Кельн, Гамбург, Мюнхен, Бремен ежь иконцертхэр къащетых. Къызэк1ожьым (1992), Мыекъуапэ иконцертит1у къыщитыгъ, Израиль к1уи иконцертхэм щаригъэдэ1угъэх. Иконцертхэм ежь ыусыгъэ произведениехэр ары къащи1охэрэр, ахэр гумм къик1ыхэу, фэбагъэр къыхэщэу гъэпсыгъэх. Хэти, ц1ыфы пэпчъ, лъэгъо зэфэшъхьафхэмк1э имурад фэк1о, хэти зэрилъэк1эу илъэпкъ инасып фэлажьэ.
Мамырыкъо Нуриет.