ХЬАТХ КЪОК1АС
Хьатхымэ я Къок1асэ гущэуи, О Къок1эсэ жъые гущэри мэшак1уа.
Жъыу: О-о, ора, орира орира-рира рирара.
Ащ ишэк1о пщып1э гущэри О Афыпсы к1эи гущэми къыщеш1а.
Ащ ипщып1э ш1ыгъэ гущэри Шъыхьылым ипщэрып1э гущэми щымык1а.
Ар зэрэщымык1э гущэри Даое пщыхафэ гущэми зэхеха.
Ар зэрэзэхехы гущэуи Байколхэр игъусэ гущэуи къэшэса.
Хьатхымэ я Къок1асэ гущэри Ичъыгышъхьэ плъап1э гущэми дэк1уая.
Ра зэрэдэк1уае гущэуи А ш1уц1эгъэ мак1э гущэри елъэгъуа.
"Мы ш1уц1агъэу слъэгъу гущэрэр, Лэучэц1ы с1оны гущэк1э сш1оба1уа-
Хьак1э купык1э ба1о гущэуи, Дзэк1и ар мак1э гущэуи сэлъэгъуа”.
Ар бэрэ пэтыны гущэя, Пщымэ анахь хафэ гущэри къынэса.
Ра къызэрэнэсы гущэуи, О шыпхырык1эсы гущэри къеубла.
„Сянэ сыкъызэрелъфы гущэуи Ра шыпхырык1эсы гущэри сиджагъуа.
Ар зэрэсиджагъо гущэри Ныбджэгъуш1оу си1э гущэми къыздаш1а.
Шъо шъумэлэк1ал1э гущэмэ, Ра сишэк1о пщып1э гущэми шъуеблагъа.
Шъухьак1э гъозаджэ гущэмэ, Ра мы цуит1у гъогу гущэми шъурык1уа.
Ащ шъо шъуемызэгъы гущэмэ, Гъончэджьшхъэ хьыны гущэуи сыхьунэп”.
Бэрэ умыхьакъу гущэуи Мы Хьагъундэкъожъы гущэми къек1эса!”
„Ащ укъызыблэк1ы гущэк1э, Ра щэп1эшъэ фао гущэуи сыощти”.
„Уипырэжъыящэ гущэрэ Уигын огъу шъугъэ гущэрэ сахьынэп”.
„Сипырэжъыящэ гущэри Бэрэскэжъыиблы гущэк1э псахьыгъа.
Сигын огъу шъугъэ гущэми Хыми къуахьэу теты гущэри зэрефа”.
Имэщыкъо псыгъо гущэри Ра гъэтхэпэ шыблэ гущэуи мэгъуагъуа.
Даое пщыхафэ гущэри Блэгъо к1ыи макъэ гущэк1э хегъафа.
|