Аскъэлай (аул Ассоколай)

ФАП-ым иунэ къызэlуахыгъ.

Теуцожь районымкIэ Аскъэлае анахь чылэшхохэм ахалъытэ. Унэгъо 450-рэ фэдиз дэс, нэбгырэ 1700-м ехъу щэпсэу. ЧIыпIэ гъэIорышIапIэу дэтым унэгъуи 120-рэ хъурэ селоу Краснэри хэхьэ. Къо­джэшхом дэтых гурыт еджэпIэ зэтегъэпсыхьагъи, культурэм и Уни, почтэ связым икъутами, тучан зэфэшъхьафыби, агрофирмэу «Аскъэлаери», нэмыкIхэри.

Ау джырэ нэс щыкIагъэу иIагъэр фельдшер-акушер пунктыр зычIэтыщт унэ тэрэз зэрямыIагъэр ары. Iэза­пIэр куль­турэм и Унэ, нэмыкI чIы­пIэхэм ачIэтыгъ. Нэужым ныо горэм сомэ мин зыбгъуп­шIыкIэ унэ щащэфыжьыгъэу ащ цIыфхэм щяIазэщтыгъэх.

- КIэкIэу къэпIон хъумэ, - еIо район администрацием ипащэ социальнэ IофыгъохэмкIэ игуадзэу Джармэкъо Юрэ, - ФАП-м фагъэпсыгъэу унэ иIагъэп. Мы аужырэ илъэсхэм зычIэтыгъэ унэр чылэ гупчэм итыгъэми, IыгъэкI хъугъагъэ, идэпкъхэр зэгокIыгъагъэх, Iоф щыпшIэным, сымаджэхэм ущяIэзэным тегъэпсыхьагъэу щытыжьыгъэп.

А щыкIагъэри джы дэгъэзыжьыгъэ хъугъэ. Джармэкъо Юрэ къызэрэтфиIотагъэмкIэ, къуаджэхэм хэхъоныгъэхэр ягъэшIыгъэнхэм фэгъэхьыгъэ федеральнэ программэ гъэнэфагъэм иплан хагъэуцуи, Iэ­зэпIэ унэр пIэлъэ кIэкIым, мэзэ зы­тIущкIэ, арагъэшIыгъ. Ащ со­мэ миллиони 2-рэ мин 420-рэ пэIухьагъ. Ащ щыщэу федеральнэ бюджетым сомэ миллионрэ мин 380-рэ къытIуп­щыгъ, республикэ бюджетым сомэ мин 932,5-рэ, чIыпIэ бюджетым сомэ мини 107,5-рэ къарыкIыгъ.

- IэзапIэр зышIыгъэхэр Хъу­нэго Руслъан зипэщэ ООО-у «Ру МУСС» зыфиIо­рэм ипсэолъэшIхэу Мыекъуапэ къикIыгъэхэр арых, - къытиIуагъ Джармэкъо Юрэ. - Дэгъоу Iоф ашIагъ, тафэраз. Унэр дэгъу, зэтегъэпсыхьагъ, щэу зэхэт: зым медицинэм иIофышIэхэр щылэжьэщтых, ятIонэрэм кIэлэцIыкIухэм, ящэнэрэм нахьыжъхэм ащяIэзэ­щтых. IэзапIэр къабзэ, фабэ, газыри, псыри къекIух. Бэмы­шIэу ащ икъызэIухын фэгъэ­хьыгъэ мэфэкI зэхахьэу щыIа­гъэм цIыфыбэ къекIолIэгъагъ. Ащ сэри, народнэ депутатхэм ярайсовет итхьаматэу Блэ­гъожъ Налбыий, район администрацием ипащэ игуадзэу Бэгъушъэ Бориси, чIыпIэ коим ипащэу Хьаджэлдый Рэмэзани тыхэлэжьагъэх. Къоджэдэсхэр гушIуагъэх, «тхьашъуегъэпсэу» къытаIуагъ.

Дж. Ю.: Ащ дэгъоу укъы­кIэ­упчIагъ. Аскъэлае ФАП-м изаведующэу Бэгъушъэ Марыет Iэзэгъу уцхэр ыщэнхэ фитэу хъугъэ. Ащ фэшI ар курсхэм ащыIэгъах. Джы цIыфхэр зыфэехэ Iэзэгъу уцхэр зыфэдэхэр ащ къыраIощт, зэригъэшIэщт, етIанэ Марыет Пэнэжьыкъуае кIозэ ахэр игъом къафищэ­щтых.

Дж. Ю.: КIэлэцIыкIу 40 зычIэфэщт Iыгъы­пIэу гурыт еджапIэм хэты­щтыр хьазыр пIоми хэукъоныгъэ хъущтэп. РашIылIэщтыр зэкIэ агъэцэкIэ­гъах, дэхэ дэдэ хъугъэ. ТIэкIу-шъокIу ныIэп къэнэжьыгъэр. Тызхэт илъэсым ыкIэмэ адэжь къызэIутхыщт.

Дж. Ю.: Къыделъытэ. Пчы­хьалIыкъуае джа Аскъэлае щядгъэгъэпсыгъэ фельдшер-акушер пунктым фэдэ 2012-рэ илъэсым дядгъэшIыхьащт.

Дж. Ю.: КъызфапIорэр тэрэз, (зыгорэм теле­фонкIэ фытео, дэгущыIэ, ипсалъэ къыпе­дзэжьы). - Марышъ, къызэ­рэтIогъахэу, Ас­къэлае дэт ФАП-м ипащэу Бэгъушъэ Марыет Iэзэгъу уцхэр ыщэщтых. Арэущтэу ащы­шIы­гъах Очэпщые, Лъэустэнхьаблэ. Пстэ­умкIи районым ичылэгъо 18-мэ адэт ФАП-хэм япащэхэр курсхэм ащырагъэ­джэгъахэх. Iэзэгъу уцхэм Iоф адашIэ­нымкIэ, ахэр ащэнхэм­кIэ фитыныгъэ яIэ хъугъэ, ащ фэшIыкIэ лицензиехэр къаратыгъэх. Джы къэнэжьыгъэр ахэм яIоф­шIа­пIэхэр зэтегъэпсыхьэгъэнхэр ары. А Iофыгъом игъэцэкIэн зэрэтлъэкIэу тыпылъыщт.

Тэри ащ гъунэ лъытфыщт, зигугъу къэтшIыгъэ Iофыр щыIэныгъэм щыгъэцэкIагъэ зэрэхъурэм тигъэзетеджэхэр щыдгъэгъозэщтых.

Нэхэе Рэмэзан. "Адыгэ макъ."