Каталог статей
Колхоз зэхэщэныр.
Пэрэныкъо Исмахьилэ къызэритхыжьырэмк1э, 1929-рэ илъэсым колхозхэр зэхащэхэ зэхъум, бжъэдыгъу чылэмэ ащыщэу анахь къиныбэ къызпык1ыгъагъэр чылит1у: Аскъэлаерэ Щынджыерэ. А лъэхъанэм Аскъэлае дэсыгъэмэ анахьыбэм "колхозым тыхэхьанэу тыфэяхэп" а1уи уцугъагъэх. Къоджэ зэ1ук1эу Совет щагум щащ1ыгъэм Хьахъуратэр сыхьатищэ фэдизэ ц1ыфмэ къащыдэгуща1агъ, ау зи иш1уагъэ къэк1уагъэп. Губжыгъагъэми, къызхимыгъэщэу машинэм ит1ысхьи дэк1ыжьыгъ. Ар зэрежьэжьэу колхозым фэмые унагъох ащ хэхьэгъэ унагъохэм ащыхьагъэх. Зэзаохэу аублагъ. Гедыоджэ Пщымафэ аук1ынэу тебэнагъэх. Пчыхьэ хъу пэтзэ Совет щагум машинэ къыдэхьагъ. Машинэм Шэуджэн Аюбэ къик1и, гузэжъогъоу Советым идэк1оеп1э лъагэ къыдэчъэягъ. Макъэ 1этыгъэк1э бырсырыгъэ ц1ыфмэ унашъо афиш1ыгъ:"Псынк1эу пстэуми шъузэбгырык1, шъудэжьхэм ш1эхэу шъук1ожь!". Аюбэ ымакъэ якъоджэдэсмэ къаш1эжьыгъ. И1энат1и аш1эти, ыгъэщтагъэх, НКВД-м хэтыгъ. Ц1ыфхэр 1эсагъэх. Ш1эхэу къоджэ Совет щагум дэк1ыжьыгъэх. Аюбэ имашинэк1э Гедыоджэ Пщымафэ ядэжь чэщым ыщэжьыгъ. Къуджэм ипащэхэр егупшысагъэх. Сыд аш1эщтыр? Ет1анэ адыгэ шыу дзэм щыщ шыу 40 игъусэу Бэгъ Сыхьатчэрые чылэм къэк1уагъ. Унагъомэ дахэк1э адэгущы1агъэх. Шыухэр хьаблэ пэпчъ арапхыгъэх. Унагъохэр жъонак1о дэк1ыгъэх. Бжыхьасэр зыхалъхьахэм шыухэри Краснодар к1ожьыгъэх.
Емыж Руслъан. Къуаджэм итарихъ.
|
| Категория: Статьи на адыгском. | Добавил: Анцокъо (23.11.2010)
|
| Просмотров: 639
| Рейтинг: 0.0/0 |
Добавлять комментарии могут только зарегистрированные пользователи.
[
Регистрация |
Вход ]