Пятница
04.10.2024
02:52 |
Приветствую Вас Гость
Главная | Регистрация | Вход | RSS |
| Статистика |
|---|
Онлайн всего: 1 Гостей: 1 Пользователей: 0 |
|
Аскъэлай (аул Ассоколай)
Каталог статей
Мыхьамэтрэ ыкъоу Пыикъорэ.
Мыхьамэт Псыгъор зэрэпщынагъэр.
Аскъэлае дэсыщтыгъэу Аскъалыкъопщым хьак1эхэр къызыфэкlохэм, ежь ибылыммэ зи аримыlоу, унэlутхэр ыгъэкlуагъэх lахъоу къоджэдэсмэ ячэмхэр зыгъэхъурэм дэжь чэмыбгъэ пщэр къыlахынэу.
lахъор Мыхьамэт Псыгъор арэу къычlэкlыгъ. Къэбарэу щыlэр зыраlом къафидагъэп ыкlи къариlуагъ чэмхэр пчыхьашъхьэ чылэм афыжьхэу заритыжьхэкlэ етlанэ къаlахынэу. Къэбарыр пщым нагъэсыжьыгъ. Пщым ежь ибылыммэ ащыщ хьакlэмэ афиукlыгъ, ыхьэкlагъэх. Хьакlэр къакlомэ кlожьы хабзэти, ахэри кlожьыгъэх. Пщым шъэфэу иунэlутмэ унашъо афишlыгъ чэщым Мыхьамэт Псыгъом екlунхэшъ, зэкlоцlапхэнышъ, Гъобэкъое гъогоу Хьэекъобгышхом дэкlрэм ыбгъукlэ ащэнышъ, зэрэпсаоу хьакъурэжкlэ чlым чlаlулlэнышъ, къоепс тыракlэжьынэу. Унашъор унэlутмэ агъэцэкlагъ.
Ащ къынэуж шыу зэтегъэпсыхьагъэ горэ къушъхьэ лъэныкъомкlэ къикlэу, Кlэмгуе лъэныкъомкlэ ыгъэзагъэу кlозэ, ащ зырехьылlэм, Мыхьамэт Псыгъом ыпсэ хэтыжьыгъэп.
Ылъэгъурэр шlоемыкlоу, ебгъукlон ымыдэу къыгъэзэжьи, апэ зыlукlэгъэ lахъом унэшъо пытэ фишlыгъ:
— Къыуасlорэр къызэрэуасlорэм фэдэу земыlотэжьыкlэ ори Аскъалыкъопщыри шъузэдэзгъэкlощт: «елбэтэу къыхягъэхыжьи, цlыфы фэдэу ягъэгъэтlылъыжь» — къыуеlо мыщ фэдэлlым lори пщым сфеlожь.
Унашъоу пщым нагъэсыгъэр псынкlэу зэшlуаригъэхыгъэу къаlотэжьы.
Тхъэркъохъо Юныс. "Аскъэлаерэ аскъэлаехэмрэ".
Натlэкъо Пыикъу.
Лlыгъэ гъэнэфагъэ зэрихъагъ Натlэкъо Пыикъо ятэу Мыхьамэты ылъ ышlэжьызэ. Ятэ Аскъалыкъом харигъэlулlэгъагъ къарышъуиблыкlэ чэмыбгъэ пщэр пщым ыгъэкlогъэ байкъолмэ къызаремытым. Ежь Мыхьамэти лlыгъэрэ гушхуагъэрэ къыхэфагъ пщым зэрэпэуцужьыгъэмкlэ. Пыикъом ежь зыфиlорэр пщым регъэшlэфэ ыгу ригъэlэжьыгъ, зыфиlорэ чlыпlэр - ятэ зэрысыгъэр - къыритыжьыгъ, ащ ыуж Аскъалыкъом жьы къыщэжьыгъ. Пыикъо ятэ зыщыщыгъэ Емыжымэ ыгу ябгъагъэу, ятэ къызэрамыухъумэшъугъэм пае, къызэраlотыжьырэмкlэ, афэгубжыгъ ыкlи Натlэкъо Хьатыгъужьыкъо елъэlуи унэкъощэу, тхьэрыlогъоу гохьагъэу ары.
Емыж Руслъан. "Къуаджэм итарихъ".
|
| Категория: Статьи на адыгском. | Добавил: Анцокъо (20.03.2010)
|
| Просмотров: 715
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ]
|