Шъукъеблагъ Аскъэлае.
Ти Аскъэлае имэфэк1ышхошъ,
Непэ тикъуаджэ шъуетэгъэблагъэ
Тикъоджэдэсхэм шъуафэгуш1онэу,
Непэрэ хъярыр къыддэш1уэтынэу.
Аскъэлаеу тикъоджэ к1асэ
Бжъэдыгъу къуаджэмэ ашынахьыжъ,
Непэ имафэ тэгъэмэфэк1ы,
Л1эш1эгъу пш1ык1уир фитэ1отык1э.
Рэхъатыгъо уимы1эу къыхэк1ыгъ сикъуадж,
Уагъэкощынэуи хъугъэ,сикъуадж,
Ау сыдэущтэу хъугъэми къэбгъэзэжьыгъ,
Сэрэежъ 1уашъхьэми укъек1ужьыгъ.
Сэрэежъ 1уашъхьэр уитхьэлъэ1уп1эу,
Цутхьэлэ 1ушъор уимэкъууап1эу,
Хьэлъфэп1э губгъор уилэжьэк1уп1эу,
Л1эш1эгъу пш1ык1уир о къэбгъэш1агъ.
Уи1агъ л1ыхъужьи,сичылэ гупс,
Ц1ыфыш1оу дэсмэ яухъумак1оу.
Урысбый Мафэкъор а л1ым ыц1агъ,
Л1ыхъужъэу щы1эмэ ар ялыягъ.
Таущтэу Мафэкъом урымыпэгэна,
Тарихъэу пылъым зимы1этына,
Тыдэк1и ил1ыгъэ уасэ щыфаш1ымэ,
Адыгэ лъэпкъым ар ил1ыхъужъмэ?!
Непэ, сикъуадж,Урысбый Мафэкъор,
Саугъэтш1ыгъэу о къыпфэкъожьы,
Шыузэтесэу къак1ошъ,теплъаш1оу
Уичылэ пчэгу джы къеуцожьы.
Рыгушху,сикъуадж,джы къыбдэхъугъэм,
Рыпаг,сикъуадж,ащ фэдэ шыум,
Уик1элэ п1угъэмэ,сикъоджъэ дах,
Щысэтехып1эу ар афэрэхъу.
Хьау,зы л1ыхъужъэп уи1эр сикъуаджъ,
Л1ыхъук1эу Тыкъэр, Къатэу Алый,
Блэк1ыгъэ заом пэбгъэуцугъэхэр-
Чылэм инапэу уик1элэ п1угъэх...
Джы къерэблагъэх хьак1эхэр уадэжъ,
1улыгъук1ы ипсынэпсы ахэр ерэшъох,
Мафэкъо шыум ахэр 1орэплъэх,
Мартэ к1эи дахэр гъэпсэфып1эш1у.
|