Си Мартэ псыхъу
Сичылэ гупсэу си Аскъэлаем
Къыдэчъы сипсыхъоу Мартэ,
Псыхъошхоу бырсырэу щымытми
Егъэразэ сипсыхъо ц1ыфыбэ.
Сипсыхъо блэ 1орт1э-щарт1эм
Фэзгъадэу чылэр зэпечы.
Ар Пщыщэу, Шъхьэгуащэу щымытми
Тикъуаджэмэ япсыхъо лъап1.
Сыц1ык1оу, сыныбжьи сэ мак1эу
Си Мартэ сип1угъ сэ икъоу,
Пчэдыжьым къыщегъэжьагъэу
Сиуцуп1агъ ар пчыхъэм нэзгъэсэу.
Сипсыхъо ып1угъэхэр джащ фэдэу
Хэшыпык1ыгъэхэу к1элэ псаушхох,
1орыш1эхэу, шъыпкъагъэ ахэлъэу
Ахэр тихабзэ фэлажьэх.
Мафэ реным губгъом итыгъэр
Пчыхьашъхьэ симартэ къек1ужьы,
Сипсыхъо а1ехышъ пшъыгъагъэр,
Чэфыгъор анэгум къык1эщы.
Сичылэ апэу сыдахъэмэ
Сек1уал1э си Мартэу сипсыхъо.
Ащ икъоу сык1эрымысэмэ,
Сыкъэк1онэу уахътэ сылъэхъу.
Сэ таущтэу усщыгъупшэна,
К1эипсэу псымэ ялый!
Сыдэущтэу къыпщигъэк1эна
Былыхъу ипсыгъэпк1ып1и.
Бэ мыш1эу, тапэк1э си Мартэ
Кузэк1этыр бэдэдэу 1утыгъ,
А ч1ап1эм машинэр джы 1уиз,
Щы1ак1эр нэмык1эу къэхъугъэшъ.
Ц1ык1угъэу ины къэхъугъэмэ,
Къысш1ош1ы сэ икъук1э ямы1эу
Си Мартэ фэдэу псыхъо 1ушъыбэ
Щып1угъэу, л1игъи 1уихыгъэу.
Гиш А. М. 20.08.84 г.
|